ՀՀ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ
«ՊԱՏՄԱՄՇԱԿՈՒԹԱՅԻՆ ԱՐԳԵԼՈՑ-ԹԱՆԳԱՐԱՆՆԵՐԻ ԵՎ
ՊԱՏՄԱԿԱՆ ՄԻՋԱՎԱՅՐԻ ՊԱՀՊԱՆՈՒԹՅԱՆ ԾԱՌԱՅՈՒԹՅՈՒՆ»
ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ

Գլխավոր > Արարատ > Նորություններ > ԲԱՑ ԴԱՍ՝ ՆՎԻՐՎԱԾ ԱՆԿԱԽՈՒԹՅԱՆ 25 ԱՄՅԱԿԻՆ
14398005_208964499522518_2059565524_n

Այսօր ՀՀ անկախության 25 ամյակին նվիրված միջոցառում է անցկացվել Արարատի մարզի Բաղրամյան համայնքի միջնակարգ դպրոցում։ ՊՄՊ Արարատի մարզային ծառայության աշխատակիցները կրթօջախի 12-րդ դասարանի աշակերտների մասնակցությամբ անցկացրել են «Դեպի հզոր Հայաստան» խորագրով բաց դաս։

Շնորհավորական ելույթներից հետո մարզային ծառայության աշխատակիցները խոսել են Հայաստանի Անկախության հռչակագրի մասին, անդրադարձել Հայաստանի անկախության գործընթացին և ներկայացրել մարզի պատմաճարտարապետական հուշարձանները։ Խոսել են այդ տարածաշրջանի մշակութային ժառանգության ճարտարապետական նշանակության մասին, հիշել դրանց հետ կապված պատմական իրողություններ։

Անկախության 25 ամյակին նվիրված բաց դասի ավարտին բացվել է աշակերտների նախաձեռնությամբ ստեղծված լուսանկարների ցուցահանդես, որտեղ պատանիները իրենց ընկալմամբ ներկայացրել են Հայաստանի տեսարժան վայրերն ու բազմաթիվ պատմաճարտարապետական հուշարձաններ։