ՀՀ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ
«ՊԱՏՄԱՄՇԱԿՈՒԹԱՅԻՆ ԱՐԳԵԼՈՑ-ԹԱՆԳԱՐԱՆՆԵՐԻ ԵՎ
ՊԱՏՄԱԿԱՆ ՄԻՋԱՎԱՅՐԻ ՊԱՀՊԱՆՈՒԹՅԱՆ ԾԱՌԱՅՈՒԹՅՈՒՆ»
ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ

Գլխավոր > Գեղարքունիք > Նորություններ > ԳԵՂԱՐՎԵՍՏԻ ԴՊՐՈՑԻ ՍԱՆԵՐԸ ԿՏԱՎԻՆ ԵՆ ՀԱՆՁՆԵԼ ՍՈՒՐԲ ԽԱՉ ԵԿԵՂԵՑԻՆ
IMG_0059

«Պահպանության ծառայություն» ՊՈԱԿ-ի ՊՄՊ Գեղարքունիքի մարզային ծառայությունը սերտորեն համագործակցում է մարզի հանրակրթական դպրոցների հետ` պարբերաբար կազմակերպելով կրթօջախներում բաց դասեր, վիկտորինաներ և ցուցահանդեսներ: Հերթական նախաձեռնությունը օրերս էր. «Ճանաչենք մեր մշակութային ժառանգությունը» կրթական նախագծի և «Հուշարձանները ապագա արվեստագետների աչքերով» ծրագրի շրջանակում Մարտունի քաղաքի մշակույթի տանը կազմակերպվել էր Ախթամարի Ս. Խաչ եկեղեցու լուսանկարների ցուցադրությունը: Մարտունու Գեղարվեստի դպրոցի 30 սաների հնարավորություն էր ընձեռվել կտավին հանձնելու Սուրբ Խաչ եկեղեցին:

Մարզային ծառայության պատասխանատուները ներկայացրել են հուշարձանի պատմությունը, խոսել նաև Արևմտյան Հայաստանի հարուստ մշակութային ժառանգության մասին:

Նշենք, որ բարձր գնահատականի արժանացած լավագույն տասը աշխատանքների հեղինակներին ՊՄՊ մարզային ծառայությունը կներկայացնի ՊՈԱԿ` պատվոգրերով և շնորհակալագրերով պարգևատրելու համար: