«ԳԱՌՆԻ» ԱՐԳԵԼՈՑ-ԹԱՆԳԱՐԱՆԸ ՀՅՈՒՐԸՆԿԱԼԵԼ ԷՐ ԴՊՐՈՑԱԿԱՆՆԵՐԻՆ

Հուշարձանների և տեսարժան վայրերի միջազգային օրվա կապակցությամբ ՊՈԱԿ-ի մասնաճյուղ «Գառնի» պատմամշակութային արգելոց-թանգարանում կազմակերպվել է բաց դաս «Մշակութային ժառանգությունը և կայուն զբոսաշրջությունը Հայաստանում» թեմայով: Գառնիի թիվ 2 ավագ դպրոցի աշակերտների համար դասը վարել են դպրոցի մանկավարժները: Նրանք կարևորել են մշակութային արժեքների պահպանության գործում երիտասարդների դերը:

Բաց դասին իր մասնակցությունն է ունեցել «Գառնի» արգելոց-թանգարան մասնաճյուղի վարիչ Արամ Բաբայանը: Նա անդրադարձել է համայնքի հուշարձաններին, մասնավորապես «Գառնի» ամրոցի ճարտարապետական և պատմամշակութային արժեքին, կարևորել զբոսաշրջության զարգացման դերը` նշելով, որ Գառնին մեծ հետաքրքրություն է ներկայացնում զբոսաշրջիկների համար:

Միջոցառումն ուղեկցվել է երգ-երաժշտությամբ ու ասմունքով:

2017-04-20T14:35:23+00:00 19 / 04 / 2017|Լրահոս, Նորություններ|