ՀՀ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ
«ՊԱՏՄԱՄՇԱԿՈՒԹԱՅԻՆ ԱՐԳԵԼՈՑ-ԹԱՆԳԱՐԱՆՆԵՐԻ ԵՎ
ՊԱՏՄԱԿԱՆ ՄԻՋԱՎԱՅՐԻ ՊԱՀՊԱՆՈՒԹՅԱՆ ԾԱՌԱՅՈՒԹՅՈՒՆ»
ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ

Գլխավոր > Լոռի > Նորություններ > ԺԱՄԿԵՏԱՅԻՆ ԶԻՆԾԱՌԱՅՈՂՆԵՐՆ ՈՒ ԴՊՐՈՑԱԿԱՆՆԵՐԸ ԲԱՐԵԿԱՐԳԵԼ ԵՆ ՀՈՒՇԱՐՁԱՆՆԵՐԻ ՏԱՐԱԾՔՆԵՐԸ
01

Լոռու մարզում շարունակվում են հուշարձանների տարածքների սանիտարական մաքրման աշխատանքները։ ՀՀ պաշտպանության, կրթության և գիտության, մշակույթի նախարարների միջև կնքված եռակողմ համաձայնագրի շրջանակներում Լոռու մարզում իրականացված հուշարձանների տարածքների սանիտարական մաքրման և բարեկարգման աշխատանքներին մասնակցել են նաև N զորամասերի զինծառայողներ։ Մարզային ծառայության աշխատակիցների նախաձեռնած մաքրման և բարեկարգման աշխատանքներն իրականացվել են Վանաձոր քաղաքի Քիմիագործների այգում տեղադրված Հայրենական պատերազմում զոհված քիմիագործների հիշատակը հավերժացնող հուշակոթողի տարածքում, որտեղ զինծառայողներին միացել են նաև Վանաձորի թիվ 5 ավագ դպրոցի սաները՝ զինղեկի գլխավորությամբ։

Ձորագյուղ համայնքում N զորամասի անձնակազմի և Ձորագյուղի միջնակարգ դպրոցի աշակերտների համատեղ ջանքերով բարեկարգվել է գյուղի Հայրենական պատերազմում զոհվածների հուշարձանը:

Լեռնապատ գյուղում N զորամասի անձնակազմի ուժերով Հայրենական պատերազմում զոհված համագյուղացիների հիշատակը հավերժացնող հուշարձանի տարածքում ևս կատարվել են բարեկարգման աշխատանքներ:

Մի շարք համայնքների մասնակցությամբ սանիտարական մաքրման ու բարեկարգման աշխատանքներ են կատարվել տվյալ գյուղերի պատմամշակութային հուշարձանների ու դրանց հարակից տարածքներում: Ալավերդիում՝ Սանահինի կամուրջ և Մեծ եղեռնի հուշակոթողի շրջակայքում, Վանաձորում՝ Հայքի և Արցախի հրապարակներում, Ստեփան Շահումյանի հուշակոթողի մոտ, Շառլ Ազնավուրի անվան մշակույթի պալատում և այլ վայրերում: