ՀՀ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ
«ՊԱՏՄԱՄՇԱԿՈՒԹԱՅԻՆ ԱՐԳԵԼՈՑ-ԹԱՆԳԱՐԱՆՆԵՐԻ ԵՎ
ՊԱՏՄԱԿԱՆ ՄԻՋԱՎԱՅՐԻ ՊԱՀՊԱՆՈՒԹՅԱՆ ԾԱՌԱՅՈՒԹՅՈՒՆ»
ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ

Գլխավոր > Երևան > Նորություններ > ԴՊՐՈՑԱԿԱՆՆԵՐՆ ԱՆԴՐԱԴԱՐՁԵԼ ԵՆ ՄԱՅՐԱՔԱՂԱՔԻ ՀՈՒՇԱՐՁԱՆՆԵՐԻՆ
image-0-02-05-92f3103c94e7d3377cc0f391d2c8ed5185e40e5d0da02abde96a3ce1fc5e43ba-V

ՊՈԱԿ-ի մշակութային արժեքների հանրահռչակման, օգտագործման և մարքեթինգի բաժինը և ՊՄՊ Երևանի մարզային ծառայությունը համատեղ «Իմ սիրելի հուշարձանը» թեմայով շարադրությունների մրցույթ են կազմակերպել Երևանի Դերենիկ Դեմիրճյանի անվան դպրոցում։

Մինչև մրցույթի անցկացումը մասնակից 7 և 8-րդ դասարանների աշակերտները մարզային ծառայության աշխատակիցների և մանկավարժների շնորհիվ ընդգրկուն տեղեկություններ են ստացել մայրաքաղաքի հուշարձանների մասին, անգամ` ծանոթացել դրանց վերաբերյալ հնչած տարաբնույթ կարծիքներին։

Մանկավարժներին ու մարզային ծառայության աշխատակիցներին հաճելիորեն զարմացրել է Երևանի հուշարձանների վերաբերյալ դպրոցականների տեղեկացվածությունն ու հետաքրքրությունը։ Մրցույթի կազմակերպիչներից և դպրոցի մանկավարժներից կազմված ժյուրին ընտրել է երեք լավագույն շարադրությունները: Երեք հեղինակներն էլ հրաշալի ներկայացրել են Արա Հարությունյանի հեղինակած Կոմիտասի, Երվանդ Քոչարի՝ Սասունցի Դավթի և Արտաշես Հովսեփյանի՝ Ալեքսանդր Թամանյանի հուշարձանները, դրանց պատմական, գեղարվեստական արժեքը և այդ անհատների ունեցած դերն ու նշանակությունը հայ ժողովրդի կյանքում: Հաղթողները` 7-րդ դասարանի աշակերտներ Էլեն Խաչատրյանը, Սյուզաննա Հարությունյանը և 8-րդ դասարանի աշակերտուհի Իլոնա Ղազարյանն արժանացել են գովասանագրերի և որպես նվեր ստացել «Մեծամոր» պատմահնագիտական արգելոց-թանգարանի հնագիտական նյութերի մեկական պատկերաշար։