Ա. ԹԱՐՎԵՐԴՅԱՆ. «ԿԱՌՈՒՑՎԱԾՔԱՅԻՆ ՓՈՓՈԽՈՒԹՅՈՒՆՆԵՐԸ ՀՆԱՐԱՎՈՐԻՆՍ ԱՐԴԱՐԱՑՎԱԾ ԿԼԻՆԵՆ»

«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի ենթակա ստորաբաժանումների աշխատանքների արդյունավետ կազմակերպման նկատառումով կազմակերպության ղեկավարությունը շարունակում է հանդիպումներ է  ունենալ  ՊՄՊ մարզային ծառայությունների, արգելոց-թանգարանների և  արգելոցների աշխատակիցների հետ: Հերթական հանդիպումը «Զվարթնոց» պատմամշակութային արգելոց-թանգարանում էր:

 

«Արմավիրի մարզը  միակն է, որտեղ երկու արգելոց-թանգարան կա, չնայած հուշարձանների թիվը շատ չէ: Օպտիմալացման խնդիր ունենք բոլոր ստորաբաժանումներում: Ուզում եմ վստահեցնել, որ նախատեսվող կառուցվածքային փոփոխությունները հնարավորինս արդարացված կլինեն` պայմանավորված աշխատանքային ծանրաբեռնվածությամբ», – իր խոսքում ասել է ՊՈԱԿ-ի տնօրեն Արա Թարվերդյանը:

Առաջիկայում կընդլայնվեն մարզային ծառայությունների լիազորությունները: Այս առումով Արմավիրի մ/ծ-ը բացառություն չէ, մանավանդ, որ արգելոց-թանգարանի երկու աշխատակից կտեղափոխվի մարզային ծառայություն, սակայն,  կմեծանա աշխատանքի պատասխանատվությունը: Արա Թարվերդյանի խոսքով նոր լիազորությունները թույլ կտան հուշարձանների պահապաններին իրականացնել  «Զվարթնոց» պատմամշակութային և  «Մեծամոր»  պատմահնագիտական արգելոց-թանգարանների և  դրանց տարածքում առկա այլ պատմամշակութային միավորների պահպանությունը:

Ա. Թարվերդյանը խոսել է նաև մի քանի աշխատակիցների պայմանագրերի հնարավոր լուծման մասին, ասելով, որ վերջիններիս հետ ՊՈԱԿ-ը կհամագործակցի զբոսաշրջության ակտիվության ժամանակ:

 

 

«Զվարթնոց» արգելոց-թանգարանի հանրահռչակման, գիտահետազոտական և ֆոնդային աշխատանքների բաժինը առաջիկայում կվերակազամավորվի գիտական գծով բաժնի: Արգելոց-թանգարանի երկարամյա աշխատակից և, ինչպես նրան հաճախ են անվանում, «Զվարթնոց»-ի այցեքարտը համարվող Լարիսա Հարությունյանը կղեկավարի արդեն նոր բաժինը:

 

 

2018-02-02T18:04:35+00:00 02 / 02 / 2018|«Զվարթնոց» պատմամշակութային արգելոց-թանգարան, Լրահոս|Comments Off on Ա. ԹԱՐՎԵՐԴՅԱՆ. «ԿԱՌՈՒՑՎԱԾՔԱՅԻՆ ՓՈՓՈԽՈՒԹՅՈՒՆՆԵՐԸ ՀՆԱՐԱՎՈՐԻՆՍ ԱՐԴԱՐԱՑՎԱԾ ԿԼԻՆԵՆ»