Հայատանի պատմության թանգարանի աշխատակիցները օրերս Սյունիքի մարզի Բարձրավան գյուղի Բղենո Նորավանք վանական համալիրի հուշարձանախմբերից՝ «Հրեշտակի պատկերով» X դարով թվագրվող հարթաքանդակը (91x70x25 սմ) վերադարձրել են վանական համալիրի տարածք: Այն տեղադրվել է վանական համալիրի աջ կողմում՝ նախասրահի հարևանությամբ, որտեղ և գտնվել է նախկինում:
Փաստն արձանագրվել է ընդունման, հանձնման ակտով, որը ստորագրել են ՊՄՊ Սյունիքի մարզային ծառայության և Հայաստանի պատմության թանգարանի պատասխանատուները:
Հարթաքանդակը անցյալ տարի ներկայացվել էր Նյու Յորքի Մետրոպոլիտեն արվեստի թանգարանում բացված ու հայոց պատմությանը նվիրված ցուցադրությանը: