Լեհաստանի Հանրապետության արտաքին գործերի նախարարի տեղակալ Մարչին Փշիդաչի գլխավորած պատվիրակությունը հյուրընկալվել է «Գառնի» և «Մեծամոր» պատմահնագիտական արգելոց-թանգարաններում։
«Մեծամոր» արգելոց-թանգարանում հյուրերը ծանոթացել են՝ հնագիտական եզակի ցուցադրությանը, հայ-լեհական միջազգային հնագիտական արշավախմբի աշխատանքներին և արդյունքներին։ Քննարկվել են հայ-լեհական մշակութային և գիտական համագործակցությանն առնչվող հարցեր։
Պատվիրակությանը ուղեկցել են՝ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրենի պարտականությունները կատարող Արմեն Հովհաննիսյանը, տնօրենի տեղակալ Հայկ Դանիելյանը, գիտնական-քարտուղար Աշոտ Փիլիպոսյանը, հնամարդաբան Հասմիկ Սիմոնյանը, Ցուցադրությունների և միջոցառումների կազմակերպման բաժնի պետ Արտավազդ Զաքյանը:
