2022-ին իրավախախտումների 34 դեպք է արձանագրվել հունվարից հունիս

2022-ին իրավախախտումների 34 դեպք է արձանագրվել հունվարից հունիս

2022-09-01T20:57:41+00:00 01/09/2022|Լրահոս|

ՀՀ ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի աշխատակիցները 2022 թ-ի հունվարից հունիս Հանրապետության տարածքում  հուշարձանների, դրանց պահպանման գոտիներում արձանագրել են ընդհանուր 34 իրավախախտման և չհամաձայնեցված այլ բնույթի աշխատանքներ: Դրանք հիմնականում հուշարձանների տարածքում հուշաքարերի, խաչքարերի տեղադրման դեպքեր են, առանց լիազոր մարմնի  հետ համաձայնության` հուշարձանի տարածքում բարեկարգման, շինարարական աշխատանքներ, հուշարձանի տարածքում հուղարկավորություններ: Արձանագրված իրավախախտումների բոլոր դեպքերով ձեռնարկվել են համապատասխան միջոցառումներ:

«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը հորդորում է՝ պատմական հուշարձանների նկատմամբ հոգատարություն դրսևորել, ինքնագործունեությամբ չվնասել հուշարձանները:

Մեր տեսլականն է՝ Ճանաչել, պահպանել, ժառանգել: