ՀՀ ԿԳՄՍՆ «Պատմամշակութային արգելոց թանգարանների և պատմական միջավայրի պահպանության ծառայություն» ՊՈԱԿ-ի, ՊՄՊ Գեղարքունիքի մարզային ծառայության և ՀՀ ոստիկանության Գեղարքունիքի մարզային վարչության նախաձեռնությամբ ապամոնտաժվել է ՀՀ Գեղարքունիքի մարզի պատմության և մշակույթի անշարժ հուշարձանների պետական ցուցակի՝ Հայրավանք բնակավայրում հաշվառված, հանրապետական նշանակության «Հայրավանք» վանական համալիր տանող ճեմուղու աջակողմյան հատվածում գտնվող տնակը։ Համայնքի բնակիչը ենթարկվել է վարչական պատասխանատվության և սեփական միջոցներով դուրս է բերել տնակը նշված տարածքից։
Ճեմուղու ձախակողմյան հատվածում գտնվում է մեկ այլ տնակ։ Այն համայնքի բնակչի սեփականության իրավունքով պատկանող տարածքում է։ Միջոցներ են ձեռնարկվում երկրորդ տնակը ևս հուշարձանի պահպանական գոտու տարածքից դուրս բերելու ուղղությամբ։