Հայաստանը գեղեցիկ երկիր է՝ հարուստ պատմությամբ և մշակույթով. այսպես է ներկայացնում մեր երկիրը հայտնի Forbes պարբերականը` այն ներառելով լավագույն զբոսաշրջային ուղղությունների ցանկում:
Անդրադառնալով Հայաստանի յուրօրինակ բնապատկերներին, ճարտարապետական կոթողներին՝ պարբերականն ընդգծում է, որ դրանցից որոշները ճանաչված են ՅՈՒՆԵՍԿՕ-ի կողմից:
Իսկ համեղ ուտելիքի սիրահարներին խորհուրդ է տրվում անպայման փորձել հայկական խաշը, տոլման, մանթին:
Նշենք, որ 2022 թվականին նախնական տվյալներով Հայաստան է այցելել ավելի քան 1 միլիոն 670 հազար զբոսաշրջիկ, որոնցից 669 984-ը՝ «Պատմամշակութային արգելոց-թանգարանների և պատմական միջավայրի պահպանության ծառայության» արգելոցներ և արգելոց-թանգարաններ:
Սկզբնաղբյուրը՝
