«Պահպանության ծառայություն» ՊՈԱԿ-ի աշխատակից, հնամարդաբան Հասմիկ Սիմոնյանը «Ընտրիր քո՛ բացառիկ մասնագիտությունը» նախաձեռնության շրջանակում Երևանի Հենրիկ Խաչատրյանի անվան թիվ 199 դպրոցում էր:
Հնամարդաբանության հիմունքներին ծանոթանալուց բացի, դպրոցի 8-9-րդ դասարանի աշակերտներին հնարավորություն է ընձեռվել ուսումնասիրել նաև դիդակտիկ նյութը՝ ամրապնդելով ստացած գիտելիքները:
Հասմիկ Սիմոնյանի խոսքով՝ դասախոսության նպատակը ոչ միայն երեխաներին հնամարդաբանի մասնագիտությանը ծանոթացնելն է, այլև այդ մասնագիտությունն ընտրելուն նպաստելը: Սեպտեմբերին դպրոցում կանցկացվի ևս մեկ՝ առավել ընդլայնված դասախոսություն, իսկ հնագիտությամբ և հնամարդաբանությամբ առավել հետաքրքրվածները կմասնակցեն «Մեծամոր» պատմահնագիտական արգելոց-թանգարանի տարածքում իրականացվող պեղումներին: