«Պահպանության ծառայություն» ՊՈԱԿ-ի Պատմական միջավայրի պահպանության Արարատի մարզային ծառայության աշխատակիցները «Խաչքարերին նոր կյանք» ծրագրի շրջանակում Այգավան համայնքի Ջղան գյուղատեղիի /3.8.2.2. պետ. ցուցիչ/ գերեզմանոցում 4 խաչքար են ուղղել, մաքրել հողային շերտից:
Ջղանի գերեզմանոցը Արարատի մարզի առավել շատ խաչքարերով հարուստ գերեզմանոցն է, որտեղ հաշվառված է շուրջ 60 խաչքար:
Խաչքարերով հարուստ գերեզմանոցը գտնվում է Այգավան համայնքից 32 կմ արևելք, Վեդի գետի աջ գետահովտի ձորակներով կտրված սարահարթի վրա։ Գյուղատեղին Ուրծ գավառի հինավուրց բնակավայրերից է, որտեղ հուշարձանները թվագրվում են IX-XVII դդ.:
