ՀԱՄԱԳՈՐԾԱԿՑՈՒԹՅԱՆ ՆՈՐ ՈՒՂՂՈՒԹՅՈՒՆ ԼԵՀ ՃԱՐՏԱՐԱՊԵՏՆԵՐԻ ՀԵՏ

ՀԱՄԱԳՈՐԾԱԿՑՈՒԹՅԱՆ ՆՈՐ ՈՒՂՂՈՒԹՅՈՒՆ ԼԵՀ ՃԱՐՏԱՐԱՊԵՏՆԵՐԻ ՀԵՏ

2019-10-11T15:42:52+00:00 September 18th, 2019|Վայոց Ձոր, Լրահոս|

Լեհաստանի Վրոցլավ քաղաքից ժամանած ճարտարապետների խումբը հյուրընկալվել էր <<Պատմամշակութային արգելոց-թանգարանների և պատմական միջավայրի պահպանության ծառայություն>> ՊՈԱԿ-ում։ Կազմակերպությունը լեհ գործընկերների հետ համագործակցության հետաքրքիր ու  նոր ծրագիր կյանքի կկոչի։ Նախատեսվում  է հուշարձանների տարածքներում մասնագիտական հետազոտությունների անցկացում, կադրերի վերապատրաստում և փորձի փոխանակում։

Վրոցլավի  Գիտության և  Տեխնոլոգիայի Համալսարանի արվեստի, ճարտարապետության, տեխնոլոգիայի ֆակուլտեի փոխտնօրեն, պրոֆեսոր Յասեկ Կոսչյուկը ՊՈԱԿ-ի  տնօրեն Արա Թարվերդյանին ներկայացրել է մի շարք երկրներում՝ Եգիպտոսում, Լեհաստանում, Սուդանում և  իրենց խմբի կողմից իրականացրած աշխատանքները՝ հետազոտություններից մինչև  3D մոդելավորման տարբերակով հուշարձանի վերականգնում։ Առաջարկ եղավ Զվարթնոց տաճարը ներկայացնել 3D տարբերակով։

ՊՈԱԿ-ի տնօրեն Արա Թարվերդյանը լեհ գործընկերներին պատմել է կազմակերպության գործառույթների, հուշարձանների պահպանության ոլորտում իրականացվող աշխատանքների մասին, տեղեկացրել, որ այս օրերին Մեծամոր հնավայրի տարածքում հնագիտական արշավախումբ է աշխատում՝  նոր ու հետաքրքիր բացահայտումներ անելով հուշարձանի մասին։

Սեպտեմբերի 20-ին լեհ ճարտարապետները հյուրընլավեն նաև ՀՀ կրթության, գիտության, մշակույթի և սպորտի նախարարությունում, ապա կմեկնեն Վայոց ձորի մարզ ծանոթանալու՝ Արատեսի, Սելիմի քարավանատան, Սմբատաբերտի ճարտարապետությանը։ ՊՈԱԿ-ի մշակութային միջոցառումների կազմակերպման և մարքեթինգի բաժնի վարիչ Արտավազդ Զաքյանի ուղեկցությամբ կլինեն Ագարակ պատմամշակութային արգելոցում։

Լեհ ճարտարապետները ՊՈԱԿ-ի տնօրենին են նվիրել Վրոցլավի ճարտարապետական հուշարձանների մասին պատմող ալբոմը։