«Գառնին», «Զվարթնոցը», «Մեծամորը», «Զորաց քարերը», «Լոռի բերդը», «Բջնին», «Ամբերդը» շարունակում են գրավել ոչ միայն տեղացի այցելուներին, այլև Հայաստան ժամանած զբոսաշրջիկներին։
Տարեցտարի արգելոցներ, արգելոց-թանգարաններ այցելությունների քանակը զգալիորեն ավելանում է, դա են փաստում վիճակագրական տվյալները։
2022 թվականի ապրիլ ամսվա տվյալներով գրանցվել է ընդհանուր 39 375 այցելություն։
2023 թ․ ապրիլին այցելությունների ընդհանուր թիվը ավելացել է կազմելով 58 616։
2023 թ․ ապրիլ ամսվա տվյալներով ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մասնաճյուղ արգելոցներում և արգելոց-թանգարաններում այցելությունները 2022 թ․նույն ժամանակահատվածի համեմատ ավելացել են 40 %-ով։
