ՕՇԱԿԱՆԻ ՃԱԿԱՏԱՄԱՐՏԻ ՀՈՒՇԱԿՈԹՈՂ
Արագածոտնի մարզ
գ. Օշական
պետ. ցուցիչ` 3.2.27
Վաղարշապատ – Արմավիր ճանապարհի արևմտյան կյողմում, Օշական գյուղից 2 կմ հեռավորության վրա կանգուն է XIX դ. հայկական կոթողային արվեստի հազվագյուտ հուշարձաններից մեկը` նվիրված 1827 թ. ռուս-պարսկական պատերազմում զոհված ռուսական բանակի զինվորների հիշատակին:
Այն կառուցվել է 1833-34 թթ. ճարտարագետ – սպա Կոմպանեյսկու նախագծով և կանգնեցվել է ճակատամարտի վայրում:
Հուշակոթողը հավերժացնում է Օշականի ճակատամարտում գեներալ-լեյտենանտ Ա. Կրասովսկու զորամասի 1150 հայ, ռուս և վրացի զոհված զինվորների ու կամավորականների հիշատակը, ովքեր ազատագրեցին Էջմիածինը պաշարումից և ձախողեցին Թիֆլիսի վրա Աբբաս Միրզայի հարձակման պլանները:
Հիմնական գրականության
Հայ ժողովրդի պատմություն, հ. 5, Երևան 1974:
Հայկական Սովետական Հանրագիտարան, հ. 12, Երևան 1986:
