«Ընտրի՛ր քո բացառիկ մասնագիտությունը» նախաձեռնության շրջանակում «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի հնամարդաբան Հասմիկ Սիմոնյանը մասնագիտական կողմնորոշման դասընթաց է անցկացրել Երևանի Վարդգես Պետրոսյանի անվան N 51 հիմնական դպրոցում։
Հասմիկ Սիմոնյանը ներկայացրել է հնամարդաբանի մասնագիտությունը՝ դաշտային աշխատանքներից մինչև մաքրում ու վերականգնում։
Ներկայացվել է մարդաբանական նյութը, կմախքների սեռերի տարբերակման եղանակները, խոսվել է նաև ոսկորների ախտաբանական հատկանիշների մասին, որոնք փաստվում են մաքրման աշխատանքների ընթացքում։
Աշակերտներին հնարավորություն է տրվել շոշափել նյութը ստանալ հուզող հարցերի պատասխանները։