Կոտայքի ՊՄՊ մարզային ծառայությունը Չարենցավանի պետական քոլեջի տնօրինության հետ համատեղ, Հայրենական Մեծ պատերազմում տարած հաղթանակի 70-ամյակին ընդառաջ, նախաձեռնել է «Մեր պապերի սխրանքը» խորագրով հանդիպում` Երկրորդ Աշխարհամարտի երեք վետերանների և Շուշիի ազատագրման հինգ մասնակիցների հետ:
Հանդիպման ընթացքում ՊՄՊ մարզային ծառայության պետի տեղակալ Սլ. Սարգսյանը և տարածքային զինկոմիսարիատի ժ/պ պարոն Հ. Մարտիրոսյանը հանդես են եկել «Հայերի մասնակցությունը Երկրորդ Համաշխարհային պատերազմին» թեմայով զեկուցումով:
Ներկաների առաջ իրենց հիշողություններով անկեղծացել են Չարենցավանի տարածքի վետերանների խորհրդի նախագահն ու Շուշիի ազատագրման մասնակիցները: Միջոցառումը եզրափակել են քոլեջի ուսանողները` հայրենասիրական ասմունքներով և պատերազմական տարիների երգերով, ինչը մեծ ոգևորություն է առաջացրել դահլիճում:
