(Հայերեն) «ՔԻՐ ՈՒ ԱԽՊԵՐ» ԱՄՐՈՑ («Աղջիկ-տղի» բերդ, «Քույր-եղբոր» բերդ)

(Հայերեն) «ՔԻՐ ՈՒ ԱԽՊԵՐ» ԱՄՐՈՑ («Աղջիկ-տղի» բերդ, «Քույր-եղբոր» բերդ)

2014-10-08T16:38:05+00:00 08/10/2014|Monuments of Lori|

ՍԵԴՎՈՒ ՎԱՆՔ, ՍԵԴՎԻ Ս. ՆՇԱՆ ՎԱՆՔ
Լոռու մարզ
գ. Կաճաճկուտ
պետ. ցուցիչ՝ 5.54.10

 

Միջնադարյան հայկական ճարտարապետության Սեդվու վանական համալիրը գստնվում է գյուղից 3 կմ հարավ՝ Սեդվու ձորում: Համալիրից պահպանվել են Ս. Նշան եկեղեցին՝ կից մատուռով, օժանդակ շինությունների և պարսպապատերի մնացորդներ:

Ս. Նշան եկեղեցին կառուցվել է XIII դ.: Ուղղանկյուն, միանավ դահլիճ է՝ կիսագլանաձև թաղով ծածկված, երեք զույգ որմնասյուներով և թաղակիր կամարներով: Արևելյան կողմում կիսաշրջանաձև խորանն է՝ զգալիորեն առաջ ընկած ցածրադիր բեմով: Ունի երեք մուտք՝ արևմտյան, հարավային և հյուսիսային ճակատներում (հյուսիսայինը բացվում է մատուռի մեջ): Ծածկը երկլանջ է՝ մեծ թեքությամբ: Կառուցված է կապտավուն բազալտե սրբատաշ քարերով: Առանձնանում է իր ընդգծված զուսպ հարդարանքով:

Հարավային մուտքի առջև գտնվում է XIII դ. կառուցված, քառակուսի հատակագծով, խաչվող թաղերով ծածկված սրահը:

Մատուռը կից է եկեղեցուն հյուսիսային կողմից: Կառուցված է XIII դ.: Ուղղանկյուն հատակագծով, թաղածածկ կառույց է, որի մուտքը հարավային կողմից է և բացվում է Ս. Նշան եկեղեցու մեջ:

Վանքը շրջապատված է եղել անկանոն եզրագծերով, կապտավուն բազալտի մեծ քարերով շարված պարսպով, որը հարավային և արևելյան կողմերից ունեցել է երկու կամարակապ դարպաս, իսկ անկյուններում՝ կիսաբոլոր աշտարակներ: Մնացել են պարսպի հետքերը: Վանքի հարավարևելյան կողմում պահպանվել են կացարանների և տնտեսական շինությունների մնացորդներ:
Վանքը գտնվում է անմխիթար վիճակում:

Հիմնական գրականություն

Շախկյան Գ., Լոռի. պատմության քարակերտ էջերը, Երևան, 1986: