Ապրիլի 18-ին, ժամը 15:00-ին Հուշարձանների և տեսարժան վայրերի միջազգային օրվա առիթով «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մասնաճյուղ «Զվարթնոց» պատմամշակութային արգելոց-թանգարանում կբացվի նկարիչ, ՀՀ արվեստի վաստակավոր գործիչ, ՀՊՄՀ գեղարվեստական կրթության ֆակուլտետի պրոֆեսոր Լեմս Ներսիսյանի` «Հայաստանիս հոգևոր կանթեղները» խորագիրը կրող գեղանկարչական շուրջ 40 աշխատանքների ցուցահանդեսը։
Նրա աշխատանքները ցուցադրվել են Մոսկվայում, ԱՊՀ բազմաթիվ քաղաքներում, Փարիզում, Լոնդոնում, Ստրասբուրգում, Արաբական Էմիրություններում, Լիսաբոնում, այլուր:
Լ. Ներսիսյանը հարուստ ներկապնակով նորովի է բացահայտում մեզ շրջապատող բնությունը, պատմաճարտարապետական հուշարձանները։ Նրա կտավներին հատուկ է անմիջականությունը, գարնանային գույների ջերմությունը: Ցուցահանդեսը կտևի մեկ ամիս։
Հեղ. Մ. Ավանեսյան