Հայոց ցեղասպանության 100-րդ տարելիցի շրջանակներում, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մշակութային արժեքների և հավաքածուների կառավարման, զարգացման և մարքեթինգի բաժնի, Հայկական Պետական Մանկավարժական Համալսարանի և Արամ Խաչատրյանի տուն-թանգարանի համատեղ նախաձեռնությամբ, բուհում անցկացվել է «Մշակութային եղեռն» խորագիրը կրող միջոցառում:
Ներկայացվել է բանաստեղծ Վազգեն Ասատրյանի (Ուշի), «100-ամյա ճիչ» ժողովածուն, այնուհետև ցուցադրվել է Արևմտյան Հայաստանի հուշարձանները ներկայացնող տեսանյութ, իսկ Երևանի № 99 դպրոցի երգչախումբը հանդես է եկել ցեղասպանությանը նվիրված կատարումներով:
Միջոցառման ընթացքում ցուցադրվել է նաև «Վանդալիզմ» ֆիլմը, որին ներկա են եղել ֆիլմի ռեժիսոր և օպերատոր Աշոտ Մովսեսյանը, սցենարիստ Սպարտակ Ղարաբաղցյանը: Ցուցադրմանը հաջորդել է ֆիլմի շուրջ ակտիվ քննարկում: Հեղինակները պատասխանել են մասնակիցների հարցերին: