ԿՈՏԱՅՔԻ ՄԱՐԶՈՒՄ 14-ՐԴ ԴԱՐԻ ԵԿԵՂԵՑՈՒ ԾԱԾԿ Է ՓԼՈՒԶՎԵԼ

ԿՈՏԱՅՔԻ ՄԱՐԶՈՒՄ 14-ՐԴ ԴԱՐԻ ԵԿԵՂԵՑՈՒ ԾԱԾԿ Է ՓԼՈՒԶՎԵԼ

2018-03-29T15:57:42+00:00 February 22nd, 2016|Կոտայք, Լրահոս, Հուշարձաններ|

«Պահպանության ծառայություն» ՊՈԱԿ-ի ՊՄՊ Կոտայքի մարզային ծառայության հուշարձանների պահապան Ս. Կարապետյանը Նաիրիի տարածաշրջանի Գետամեջ համայնք կատարած հերթական շրջայցի ժամանակ արձանագրել է, որ գրեթե ամբողջությամբ փլուզվել է 14-րդ դարի եկեղեցու ծածկը /պետ. ցուցիչ 6.25.3, վերականգնվել է 19-րդ դարում/: Հուշարձանը հանրապետական նշանակության է, ընդգրկված է պետական սեփականություն համարվող և օտարման ոչ ենթակա հուշարձանների ցանկում:

Բարեբախտաբար փլուզման ժամանակ ներսում հավատացյալ չի եղել: Պատճառը` ծածկի մաշվածությունն է, փայտե տանիքի կոնստրուկցիաների ու հենասյուների խարխլվածությունը: Այս տարվա առատ ձյունը, ջերմաստիճանի կտրուկ բարձրացման պատճառով ձնհալից կլանված խոնավությունը ևս նպաստել են եկեղեցու ծածկի փլուզմանը:

2010 թ.-ից հուշարձանը ընդգրկվել է մարզի առավել վտանգված հուշարձանների ցանկում: