«Բանակ-կրթություն-մշակույթ» համագործակցության շրջանակում հանրապետության մարզերի հուշարձանների տարածքներում պարբերաբար սանիտարական մաքրման ու բարեկարգման աշխատանքներ են իրականացնվում:
Նախաձեռնությանն անմասն չեն մնացել նաև ՊՄՊ Շիրակի մարզային ծառայությունն ու թիվ N զորամասի ժամկետային զինծառայողները: Մասնավորապես` մաքրվել են Գյումրու «Մայր Հայաստան», Տաճար Երերույք և Լուսակերտի` ԵԱԶ (Երկրորդ աշխարհամարտի զոհերի) հուշարձանների տարածքները:
ՊՄՊ Շիրակի մարզային ծառայության պետ Վալերիկ Նազարեթյանը ժամկետային զինծառայողների համար էքսկուրսիա է կազմակերպել «Սև բերդ» ամրոցում ու թանգարանում և պատմել մարզի հուշարձանների, առանձնապես «Սև բերդ» հուշարձանի մասին:
