Այսօր՝ օգոստոսի 17-ին, «Զվարթնոց» պատմամշակութային արգելոց-թանգարան են այցելել
«STARMUS FESTIVAL VI. 50 տարի Մարսի վրա 2022» աստղագիտության, տիեզերական ուսումնասիրությունների, երաժշտության, արվեստի միջազգային փառատոնի ներկայացուցիչները։
Այցի շրջանակներում հյուրերը ծանոթացել են պատմամշակութային արգելոց-թանգարանի պատմությանը, տարածքին, քննարկվել են փառատոնի շրջանակներում համագործակցության հնարավոր տարբերակները։
2022 թվականի սեպտեմբերի 5-10-ը Հայաստանում առաջին անգամ կանցկացվի «STARMUS FESTIVAL VI. 50 տարի Մարսի վրա» փառատոնը` նվիրված Մարսի վրա առաջին վայրէջքի 50-ամյակին: Փառատոնն ունի տեխնոլոգիական ուղղվածություն և միավորում է գիտությունը, կրթությունը, արվեստն ու տեխնոլոգիաները:
