Հայ առաքելական եկեղեցին տոնում է տաղավար տոներից առաջինը՝ Սուրբ ծնունդը, որը սկսվում է Ճրագալույցի սուրբ պատարագով։ Վառված ճրագների տեսքով մարդիկ դարձյալ տուն կտանեն աստվածային լույսն ու օրհնությունը։
Սուրբ ծնունդը սկսվում է հունվարի 5-ի երեկոյան, երբ եկեղեցական կարգի համաձայն, օրը փոխվում է։ Մատուցվող Սուրբ պատարագի ընթացքում ավետվում է բարի լուրը՝ «Քրիստոս ծնաւ և հայտնուեցաւ»։
Ճրագալույց նշանակում է ճրագ, մոմ վառել,
լուցանել։ Այն խորհրդանշում է նաև բեթղեհեմյան աստղի լույսը, որը 3 մոգին առաջնորդեց դեպի նորածին Հիսուսը։
