Ապրիլի 30-ին Լոռու մարզպետարանում տեղի ունեցած` հողերի օգտագործման ժամանակավոր սխեմաների կազմման աշխատանքները համակարգող միջգերատեսչական հանձնաժողովի հերթական նիստին, որը վարել է մարզպետ Արթուր Նալբանդյանը, մասնակցել է նաեւ «Պատմամշակութային արգելոց-թանգարանների եւ պատմական միջավայրի պահպանության ծառայություն» ՊՈԱԿ-ի ՊՄՊ Լոռու մարզային ծառայության պետ Արմեն Գերյանը :
ՊՈԱԿ-ի տնօրենը տարեսկզբին դիմել էր հանրապետության մարզպետներին` խնդրելով ապահովել նիստերին մարզային ծառայությունների պատասխանատուների մասնակցությունը` անշարժ հուշարձանների եւ դրանց տարածքների պահպանությանն առնչվող հարցերի քննարկման ժամանակ : Դա հնարավորություն կտա մինչեւ հողահատկացումը հստակ տեղեկատվություն ունենալու առկա՞ է արդյոք տվյալ տարածքում պատմամշակութային հուշարձան, թե՞ ոչ :
Լոռու մարզպետարանում հրավիրված նիստում քննարկվել ու որոշում է կայացվել հողաշինական վեցի հարցի վերաբերյալ : ՊՄՊ Լոռու մարզային ծառայության պետ Ա.Գերյանի խոսքով` նշված հողամասերում մարզային ծառայության կողմից կատարվել են տեղազննություններ, եւ տարածքներում պատմամշակութային հուշարձաններ ու պատմական միջավայր չկան:
Նշենք, որ Պատմության ու մշակույթի անշարժ հուշարձաններ պետական ցուցակում հաշվառվա ծ է Լոռու մարզի 3000-ից ավելի հուշարձան :