Մայիսի 18-ին՝ Թանգարանների միջազգային օր – Թանգարանների գիշեր ծրագրի շրջանակներում հրավիրում ենք մասնակցելու «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մասնաճյուղ արգելոցներում և արգելոց-թանգարաններում կայանալիք միջոցառումներին։
Մայիսի 18-ին «Գլաձորի համալսարան» պատմամշակութային արգելոց-թանգարանում կանցկացվի «7 ազատ արվեստներ» կրթական ծրագիրը։
Ծրագրում կներկայացվեն միջնադարյան համալսարաններում դասավանդված «7 ազատ արվեստներ»-ը ՝ քերականություն, տրամաբանություն, ճարտասանություն, թվաբանություն, երկրաչափություն, երաժշտություն, աստղաբաշխություն։
Մասնակիցներին հնարավորություն կտրվի լուծելու հայ միջնադարյան գիտնական Ա. Շիրակացու հանրահաշվական խնդիրները և խրախճանականները, կցուցադրվի հայկական մանրանկարչության Գլաձորի դպրոցի ներկայացուցիչների աշխատանքները։
Միջոցառման վայրը՝ Վայոց ձորի մարզ, Վերնաշեն բնակավայր, ժամը՝ 15։00 – 18։00։
Մայիսի 18-ին «Մեծամոր» պատմահնագիտական արգելոց-թանգարանում տեղի կունենա գրական ցերեկույթ․ Հրանտ Մաթևոսյանի «Մեծամոր» վիպակի թատերականացված ընթերցումը։
Կցուցադրվի «Մեծամոր հնագույն ամրոց-բնակատեղին՝ որպես մշակույթի ծաղկուն կենտրոն» խորագիրը կրող ֆիլմը ։
Արմավիրի մարզ, Տարոնիկ համայնք, ժամը՝ 13։00 -18։00։
Մայիսի 20․ « Ուսումնասիրություններ նոր լույսի ներքո․ Օրբելյանների (Սելիմի) քարավանատուն»․
Կցուցադրվեն Օրբելյանների (Սելիմի) քարավանատանը «Պահպանության ծառայություն» ՊՈԱԿ-ի կողմից իրականացված պեղումներից հայտնաբերված գտածոները և կներկայցվի քարավանատան ունեցած դերը միջազգային առևտրում։
Գլաձորի համալսարան
Վայոց ձորի մարզ, Վերնաշեն բնակավայր, ժամը՝ 18։00։
Մայիսի 20-ին՝ զրույցներ գիտնականի հետ․ հնամարդաբան Հասմիկ Սիմոնյանը հանդես կգա դասախոսությամբ։
Գիտակակրթական ծրագրի շրջանակում կքննարկվեն «Հայաստանում մարդաբանության ուսումնասիրությունները» գիտակարգի զարգացման հեռանկարները,
«Մեծամորի քաղաքային թաղամասում » հայ-լեհական արշավախմբի կողմից պեղված մարդաբանական նյութերը և դրանց նախնական ուսումնասիրության արդյունքները։
Արմավիրի մարզ, Տարոնիկ համայնք, ժամը՝ 18։00։
Մայիսի 20-ին «Զվարթնոց» պատմամշակութային արգելոց թանգարանում «Արի՛ վերականգնենք Զվարթնոցը» կրթական ծրագրի շրջանակում կանցկացվի ցուցահանդես – դասախոսություն՝ ««Զվարթնոց» տաճարի վերակազմության նախագծերը»։
Նախագծերի, չափագրությունների, լուսանկարների և այլ դիդակտիկ նյութերի հիման վրա այցելուները կծանոթանան «Զվարթնոց» տաճարի ճարտարապետական դետալներին, կառուցման առանձնահատկություններին և տարբեր ճարտարապետների կողմից տաճարի վերականգման նախագծերի առաջարկներին։
Արմավիրի մարզ, ք․ Էջմիածին Զվարթնոց թաղամաս, Մանուշյան փողոց, ժամը՝ 15։00 – 18։00։
Մայիսի 20, «Բերդ» պատմամշակութային արգելոց․
«Բացահայտելով Հայաստանը» կրթական ծրագրի շրջանակում արշավ Նավուրի «Դաշտի ամրոց» հուշարձան։
Տավուշի մարզ, Բերդ համայնք, Սարալանջի փողոց 15, ժամը՝ 15։00- 18։00։
Մայիսի 20․ «Երևելի տիկնանց դարը․․․», Գնդեվանք․ «Ընդհատված աղոթքի բրոնզե արձագանքը» խորագիրը կրող շրջիկ ցուցահանդես։
Կներկայացվի վանական համալիրը և տարածքից հայտնաբերված «գանձը»՝ եկեղեցական սպասք։
Շիրակի մարզ, ք․ Գումրի Աբովյան փողոց 232, Ասլամազյան քույրերի պատկերասրահի հարակից տարածք, ժամը՝ 18։00։
