ՊՄՊ Սյունիքի մարզային ծառայության աշխատակիցները նոր կյանք են տվել Հարժիս և Անգեղակոթ գյուղերի հուշարձանների տարածքում գտնվող կիսագետնաթաղ խաչքարերին։
Սիսիան համայնքի Անգեղակոթ գյուղի Սբ Վարդան եկեղեցու տարածքում իրականացվել է 6 խաչքարի ամրացման, ուղղման և մաքրման աշխատանքներ։
Տաթև համայնքի հին Հարժիս գյուղի տարածքում ուղղվել և մաքրվել է կիսագետնաթաղ 2 խաչքար։
ՊՄՊ Սյունիքի մարզային ծառայության պետ Շանթ Դավթյանը «Պահպանության ծառայություն» ՊՈԱԿ-ի կողմից շնորհակալագիր է հաձնել պահապան Արամ Ներսիսյանին բարեխիղճ աշխատանքի համար։
