ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ում մեկնարկել է բացառիկ հնագիտական աշխատանք։ Շենքային պայմաններում բացվել է 2022 թ․ «Մեծամոր» պատմահնագիտական արգելոց-թանգարանի տարածքից հայտնաբերված կարասային թաղումը։
Հասմիկ Սիմոնյան հնամարդաբան
Կարասը մինչև պեղվելը անցել է երկու ռենտգեն հետազոտություն բացառելու համար, որ կարասում չկան մետաղական իրեր։ Հետազոտության արդյունքում պարզ է դարձել, որ կարասում կան ականջօղեր, գանգի տակ երևացել են ոսկորներ, ողնաշարի առանձին ողեր։
Պեղման արդյունքում հայտնաբերվել են ուլունքահատիկներ և ապակե սրվակի բեկորներ՝ քայքայված վիճակում։
Կարասային թաղումից հայտնաբերված նյութերը կենթարկվեն լաբորատոր հետազոտության, կմաքրվեն, կվերականգնվեն ու կհամալրեն «Մեծամոր» պատմահնագիտական արգելոց-թանգարանի ցուցադրությունը։
Կարասային թաղման մասին առավել մանրամասն շուտով՝ Առաջին ալիքի «Լուրերի» անդրադարձով։
