ՀՀ ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի աշխատակիցները փոխտնօրեն Հայկ Դանիելյանի ղեկավարությամբ և ՊՄՊ Սյունիքի մարզային ծառայության աշխատակիցների ուղեկցությամբ շրջայց են իրականացրել Սյունիքի մարզի մի շարք հուշարձանների տարածքներում։
Շրջայցի ընթացքում ուսումնասիրվել են՝ Որոտնավանք, Մելիք Թանգու կամուրջ, Բարաբաթումի և Համլետավանի եկեղեցիներ, Բաղաբերդ ամրոց, Հալիձորի բերդ, «Զորաց քարեր» բնակատեղի» պատմամշակութային արգելոց, Սերս գյուղի եկեղեցի և Տափի բերդ հուշարձանները։
Քննարկվել են՝ հուշարձանների պահպանության, վերականգնման և ամրակայման աշխատանքներին, հնագիտական ուսումնասիրություններին վերաբերող հարցեր։
