Կոտայքի ՊՄՊ մարզային ծառայության և Արամուսի Վ. Առաքելյանի անվան միջնակարգ դպրոցի տնօրինության նախաձեռնությամբ, Հայոց ցեղասպանության 100-րդ տարելիցին նվիրված միջոցառում է անցկացվել համայնքի կրթօջախում:
Հանձնաժողովն ամփոփել է միջնակարգ դպրոցում նախապես հայտարարված <<Հիշողություն և պահանջատիրություն>> խորագրով ազատ ստեղծագործական շարադրության մրցույթը: Լավագույն երեք շարադրությունների հեղինակ աշակերտներին ՊՄՊ մարզային ծառայության պատասխանատուները նվիրել են մարզի պատմամշակութային հուշարձանների նկարազարդումներով գրքեր: Միջոցառման ավարտին հատվածներ են ցուցադրվել <<Ուխտագնացություն դեպի Արարատ>> ֆիլմից: Ապա ՊՄՊ մարզային ծառայության աշխատակիցները դիտել են աշակերտների ուժերով ստեղծված Հայոց ցեղասպանությանը նվիրված տեսաֆիլմը և ծանոթացել նրանց պատրաստած ստենդներին: