ԱՊԱՀՈՎԱԳՐԱԿԱՆ ԸՆԿԵՐՈՒԹՅԱՆ ՆԵՐԿԱՅԱՑՈՒՑԻՉԸ ՊԱՐԶԱԲԱՆԵԼ Է ՍՈՑ. ՓԱԹԵԹԻՆ ԱՌՆՉՎՈՂ ՀԱՐՑԵՐԸ

«Պահպանության ծառայություն» ՊՈԱԿ-ի հրավերով «NIMKA TUR» կազմակերպության ներկայացուցիչ Լ. Այդինյանն աշխատակիցներին ծանոթացրել է սոցիալական փաթեթի շրջանակներում մատուցվող ծառայություններին: Նա նշել է, որ ընկերությունը համագործակցում է ՀՀ և ԼՂՀ գրեթե բոլոր հանգստյան տների և առողջարանների հետ, հետևաբար առաջարկում է հանգստի կազմակերպում վերոնշյալ հանգստավայրերում: Ըստ Լ. Այդինյանի, «NIMKA TUR» ընկերությունն իրականացնում է նաև առողջության սոցիալական կամավոր ապահովագրություն` արտահիվանդանոցային բժշկական օգնության ծախսերի, դեղորայքի լրիվ կամ մասնակի հատուցումից, մինչև այդ ծառայություններից օգտվելու խորհրդատվություն: