ՊՄՊ Կոտայքի մարզային ծառայության նախաձեռնությամբ՝ բանակ-կրթություն-մշակույթ եռակողմ համաձայնագրի շրջանակներում, Հայոց բանակի 24-րդ տարեդարձին նվիրված միջոցառում է անցկացվել Հրազդանի թիվ 4 հիմնական դպրոցում: Միջոցառմանը ներկա են եղել ՊՄՊ մարզային ծառայության պատասխանատուներ, արցախյան պատերազմի մասնակիցներ, ուսուցիչներ, աշակերտներ և այլ հյուրեր:
Բանակաշինությանը նվիրված բացման խոսքով հանդես է եկել դպրոցի տնօրեն Արևիկ Նահապետյանը, որից հետո զինվորական համազգեստով բեմ դուս եկած դպրոցականները ներկաներին ոգևորել են իրենց հայրենասիրական երգ ու պարով:
Միջոցառման ավարտին ելույթ է ունեցել Արցախյան պատերազմի մասնակից Ռուբիկ Գալստյանը: Նա դահլիճում ներկա ազատամարտիկներին մատուցել է անակնկալ. Ռ. Գալստյանը զինակից ընկերներին հանձնել է Հայոց բանակի օրվա առթիվ ՀՀ Պաշտպանության նախարարության շնորհած հուշամեդալները: Միջոցառման ավարտին ելույթ են ունեցել նաև ՊՄՊ Կոտայքի մարզային ծառայության պետի տեղակալն ու դպրոցի պատմության ուսուցիչ Ա. Կիրակոսյանը: Նրանք ներկաներին շնորհավորել են տոնի կապակցությամբ և ընդգծել նմանատիպ հանդիպումների անհրաժեշտությունը՝ մատաղ սերնդի ուսումնադաստիարակչական և հայրենասիրական ոգին բարձր պահելու գործում:
