«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրենի` մասնաճյուղերի գործունեության համակարգման և տնտեսական աշխատանքների գծով տեղակալ, Մասիսի Կամավորական ջոկատի անդամ, ազատամարտիկ Սեյրան Առաքելյանը ՀՀ պաշտպանության նախարար Սեյրան Օհանյանի հրամանով պարգևատրվել է «Վազգեն Սարգսյան» մեդալով:
Սեյրան Առաքելյանը մասնակցել է արցախյան շարժմանը, 1988-92 թվականներին եղել է Գորիսի ինքնապաշտպանության ուժերի շտաբի պետը, մասնակցել է Գորիս-Շուռնուխ-Խնձորեսկ, Գորիս-Շուռնուխ-Կոռնիձոր, Գորիս-Խնածախ-Բայանդուր, ԼՂՀ Լաչինի միջանցքի ազատագրման և պաշտպանական մարտերին:
Սեյրան Առաքելյանը պարգևատրվել է նաև «Հինգերորդ բրիգադ» հուշամեդալով, ՀՀ ԵԿՄ հուշամեդալով և պատվոգրով:
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի կոլեկտիվը շնորհավորում է ՊՈԱԿ-ի տնօրենի տեղակալին` «Վազգեն Սարգսյան» մեդալով պարգևատրվելու առիթով, մաղթում` ամուր առողջություն, աշխատանքային հաջողություններ, նորանոր ձեռքբերումներ ու խաղաղ երկինք:
