ՊՄՊ Կոտայքի մարզային ծառայության և ՊՈԱԿ-ի մշակութային միջոցառումների կազմակերպման և մարքեթինգի բաժնի համատեղ նախաձեռնությամբ, Կոտայքի տարածաշրջանային քոլեջում անցկացվել է բաց դաս՝ «Ճանաչենք, ժառանգենք, պահպանենք և փոխանցենք սերունդներին» խորագրով։ Բաց դասի ընթացքում ուսանողները ներկայացրել են մարզի պատմական հուշարձաններին և զբոսաշրջությանը նվիրված շարադրություններ, որոնցից նախապես ընտրվել էին վեց լավագույնները և ներկայացվել մրցույթի: Շարադրությունների հեղինակները իրենց աշխատանքները ընթերցել են «Զբոսաշրջության ծառայությունների կազմակերպում օտար լեզուների խորացված ուսուցմամբ» մասնագիտական թեքումով առաջինից չորրորդ կուրսի ուսանողների համար և համատեղ քվեարկությամբ ընտրվել են երեք լավագույնները։ Առաջին տեղը զբաղեցրել է առաջին կուրսի ուսանողուհի Տաթև Սեդրակյանը, երկրորդը՝ դարձյալ առաջին կուրսի և երրորդ տեղը զբաղեցրել է երրորդ կուսի ուսանողուհի։
Հաղթող շարադրությունների հեղինակները և Կոտայքի տարածաշրջանային քոլեջը՝ ակտիվ համագործակցության համար, ՊՈԱԿ-ի կողմից նվեր են ստացել պատմամշակութային հուշարձաններին վերաբերող գրքեր: Միջոցառման վերջում ներկաները դիտել են ՊՈԱԿ-ի նախաձեռնությամբ ստեղծված «Գլաձորի համալսարան» տեսաֆիլմը:
Միջոցառման ավարտին կողմերը պայմանավորվածություն են ձեռք բերել շարունակելու համագործակցությունը և հետագայում համատեղ միջոցառումներ կազմկերպել հուշարձանների տարածքներում։
