«Դեկորատիվ-կիրառական և ժողովրդական արվեստի համառուսաստանյան թանգարանի» և Երևանի «Ռուսական Արվեստի թանգարանի» համատեղ կազմակերպած «Համագործակցության ժառանգությունը։ Ավանդույթներ ապագայի համար» ԱՊՀ միջպետական երկարամյա ծրագրի շրջանակում «Զվարթնոց» պատմամշակութային արգելոց-թանգարան էին այցելել ԱՊՀ երկրներից ժամանած ծրագրի մասնակիցները:
Նրանք ծանոթացել են արգելոց-թանգարանի ցուցադրությանը, էքսկուրսավորի ուղեկցությամբ շրջել Զվարթնոց տաճարի տարածքում։
Այնուհետև պարային բեմադրություններով հյուրերին ներկայացել է «Վարք hայոց» ավանդական երգի-պարի խումբը: Հայկական շուրջ պարին միացել են նաև ծրագրի մասնակիցները, արգելոց-թանգարան այցելած մյուս այցելուները։
ԱՊՀ տարբեր երկրներից ժամանած թանգարանային ոլորտի ներկայացուցիչները արգելոց-թանգարանից հեռացել են հայկական մշակույթի, երգ ու պարի մասին ստացած վառ տպավորություններով։ Այցի ավարտին շնորհակալություն հայտնելով հայ գործընկերներին ասել են, որ իրենց հուշերում գեղեցիկ հիշողություններ կմնան։
-
- SONY DSC
-
- SONY DSC
-
- SONY DSC
-
- SONY DSC
-
- SONY DSC
-
- SONY DSC
-
- SONY DSC
-
- SONY DSC
