Տավուշի բրոնզեդարյան գտածոներ «Բերդ» պատմամշակութային արգելոցում․ բրոնզե զարդեր, կավե իրեր

Տավուշի բրոնզեդարյան գտածոներ «Բերդ» պատմամշակութային արգելոցում․ բրոնզե զարդեր, կավե իրեր

2022-12-28T17:05:25+00:00 27/12/2022|Տավուշ, Լրահոս|

Վաղնջական Հայաստանի հարուստ մշակույթի մասին վկայող այս գտածոներն արդեն պատկանում են «Բերդ» պատմամշակութային արգելոցին։

Դրանք թանգարանին է նվիրել պառավաքարցի Նորայր Մարյամյանը:

Տավուշի մարզի Պառավաքար գյուղի տարածքից երկրագիտական աշխատանքների ընթացքում պատահաբար հայտնաբերված  այս դանակն այնքան լավ է պահպանվել, որ նկատելի է անգամ դրա փայտը։

Հայկական լեռնաշխարհի՝ մ․ թ․ ա․ 3-րդ հազարամյակի մշակույթի ամենաբնորոշ տարրը խեցեղենն է՝ ինքնատիպ ձևերով և հարուստ զարդանախշերով։ Կավից պատրաստվել են տնտեսական և պաշտամունքային իրեր։ Ամանեղենը պատրաստվել է ձեռքով և լավ թրծվել հատուկ հնոցներում։ Սովորաբար զարդարվել է կավամանի միայն մեկ կողմը։ Բրոնզեդարյան այս հավաքածուն առաջիկայում կուսումնասիրվի, այնուհետև կհամալրի թանգարանի հնագիտական ֆոնդի հավաքածուն: