Հայաստանը ֆրանկոֆոն ճանապարհորդների աչքերով․ երեկ այսօր…

Հայաստանը ֆրանկոֆոն ճանապարհորդների աչքերով․ երեկ այսօր…

«Զվարթնոց» պատմամշակութային արգելոց – թանգարանում օրը ողողծված էր ֆրանսիական շնչով։

Կրթական ծրագիրը անցկացվեց և՛ թանգարանի ներսում, և՛ տաճարի տարածքում։ Շրջելով, ծանոթանալով, արգելոցի տարածքին  Ցուցադրությունների և միջոցառումների կազմակերպման բաժնի պետ Արտավազդ Զաքյանը ներկայացրեց արգելոց-թանգարանի հետ կապված հետաքրքիր մանրամասները։

Կարևորելով ֆրանսերենն ու ֆրանկոֆոն մշակույթների արժեքները`  ԿԳՄՍՆ  «Պատմամշակութային արգելոց-թանգարանների  և պատմական միջավայրի պահպանության ծառայություն» ՊՈԱԿ-ի և Երևանի պետական հումանիտար քոլեջի գործակցությամբ տեղի ունեցավ  կրթամշակութային միջոցառում` նվիրված Ֆրանկոֆոնիայի օրերին և Հուշարձանների և տեսարժան վայրերի միջազգային օրվան։

 

Միջոցառման շրջանակում քոլեջի Զբոսաշրջային ծառայությունների կազմակերպաման բաժնի  երկրորդ, երրորդ կուրսի ուսանողները ֆրանսերեն լեզվով ներկայացրին Հայաստանը  ֆրանկոֆոն ճանապարհորդների մասնավորապես՝  Ժան Շարդենի ուղեգրությունները:

Անցկացվեց վիկտորինա, որի ընթացքում ուսանողները պատասխանեցին պատմական, մշակութային հարցերին։

Արտավադ Զաքյան Ցուցադրությունների և միջոցառումների կազմակերպման բաժնի պետնմանատիպ միջոցառումների նպատակն է ներկայացնել Հայաստանի պատմամշակութային ժառանգությունը երեկ և այսօր։

Ֆրանսիայից ժամանած զբոսաշրջիկները հնարավորություն ունեցան ներկա գտնվելու ֆրանսալեզու միջոցառմանը։  «Զվարթնոց» արգելոցում լսեցին  Ե․ Չարենցի «Ես իմ անուշ Հայաստանի» բանաստեղծության ֆրանսերեն տարբերակը, ուսանողների մատուցած նյութերը։

Հումանիտար քոլեջին նվիրվեց «Պահպանության ծառայություն» ՊՈԱԿ-ի կողմից հրատարակված արգելոցների, արգելոց-թանգարանների ֆրանսերեն թարգմանությամբ գրքույկները։