Խոշորացույցի տակ ուշբրոնզեդարյան, երկաթեդարյան իրեր են․ ապարանջաններ, մատանիներ, օղեր, դաշույններ։ Թվով 64 հնագիտական առարկա մաքրվում, ամրակայվում է։
Հնագիտական առարկաները 1970 թ․ Սևանի ավազանի Ակունքի պեղումներից են (արշավախմբի ղեկավար Էմմա Խանզադյան)։ Գտածոները թվագրվում են տարբեր դարաշրջաններով ուշ բրոնզից, երկաթե դար։
Թանգարանային առարկաների վերականգնման լաբորատորիայի բաժնի վարիչ Տիգրան Զաքյանը հերթով, մանրամասն մաքրում է հնագիտական իրերի կոռոզիայի (քայքայման) հետքերը՝ բերելով հնարավոր նախնական տեսքի։
Մաքրման, ամրակայման աշխատանքներից հետո հնագիտական իրերը կվերադարձվեն ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի ֆոնդին։
