ՀՀ ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ում անցկացվել է ժողով-խորհրդակցություն արգելոցների և արգելոց-թանգարանների վարիչների մասնակցությամբ։
Քննարկվել է արգելոցների, արգելոց-թանգարանների զարգացման ծրագրերը, հնարավոր բարեկարգման աշխատանքները։
Օրինակ՝ «Գլաձորի համալսարան» պատմամշակութային արգելոց-թանգարանում և «Բերդ» պատմամշակութային արգելոցում առաջիկայում նախատեսվում են կրթական ծրագրեր, միջոցառումներ իրականացնել։
Արգելոցների վարիչները ներկայացրել են առկա խնդիրները, դրանց լուծման ճանապարհները։
«Պահպանության ծառայություն» ՊՈԱԿ -ի տնօրեն Արմեն Հովհաննիսյանը ամփոփել է 2023 թ․ առաջին եռամսյակում արգելոցների, արգելոց-թանգարանների վարիչների կատարած աշխատանքները, տվել հանձնարարականներ։
Առաջիկայում ՊՈԱԿ-ի մասնաճյուղ արգելոց-թանգարանները կունենան միանման արտահագուստ։
ՊՈԱԿ -ի տնօրեն Արմեն Հովհաննիսյանը արգելոց – թանգարանների վարիչներին է ներկայացրել փոխտնօրեն Արտավազդ Զաքյանին, որը կհամակարգի պատմական միջավայրի զարգացման ծրագրերը, գիտացուցադրական և գիտահետազոտական աշխատանքները։
