ՀՀ Արարատի մարզի Նարեկ գյուղից 2,5 կմ հարավարևելք գտնվող Իլկասար կամ Օձասար (1464 մ ծ․մ․) լեռան գագաթին է գտնվում նորահայտ ամրոցը։
Ամրոցի ուսումնասիրություններն իրականացնում են «Պահպանության ծառայություն» ՊՈԱԿ-ի հուշարձանների պահպանության բաժնի գլխավոր մասնագետ Լևոն Մկրտչյանը և ՀՀ ԳԱԱ հնագիտության և ազգագրության ինտիտուտի գիտաշխատող Գ․ Սարգսյանը։
Ամրոցի պատերը օղակում են քարքարոտ լեռան ողջ գագաթը` ներառելով բազմաթիվ շինությունների ավերակներ, որոնց մեջ ամենակենտրոնական մասում հավանաբար դղյակի ավերակներն են։ Դղյակից հարավարևելք, գագաթնամերձ հատվածում՝ գլխավոր մուտքի դիմաց, երկու կողք-կողքի դրված ջրահավաք-պահեստարաններն են։
Ամրոցը հավաստվել է 2021 թ․ «Պահպանության ծառայություն» ՊՈԱԿ-ի կողմից հուշարձանների թվայնացման և մոդելավորման աշխատանքների ժամանակ։
Լուսանկարը՝ Լևոն Մկրտչյանի
