Գեղարքունիքի ՊՄՊ մարզային ծառայության նախաձեռնությամբ «Ճանաչենք և պահպանենք մեր հնագույն գանձերը» թեմայով բաց դաս է անցկացվել Ճամբարակի տարածաշրջանի՝ Մարտունի գյուղի միջնակարգ դպրոցում: 11-րդ դասարանի աշակերտների համար անցկացված բաց դասի ընթացքում մարզային ծառայության պետի տեղակալ Հայկ Ջառահյանն անդրադարձել է ճամբարակի տարածաշրջանի՝ 12-13-րդ դարի կիսավեր եկեղեցիներին, խաչքարերին, հազարամյակների պատմություն ունեցող դամբարանադաշտին ու ամրոցին, 17-րդ դարով թվագրվող գյուղատեղիներին, գերեզմանատանը:
Բաց դասի նպատակը դպրոցականներին իրենց տարածաշրջանի հուշարձաններին ծանոթացնելն է, պատմական տեղեկություններ ներկայացնելն ու դրանց պատմամշակութային արժեքն ընգծելը: Հուշարձանների պահպանները հույս ունեն, որ ծանոթանալով պատմամշակութային ժառանգությանը՝ պատանիները ակտիվ մասնակցություն կունենան դրանց պահպանության գործում:
