Թանգարանների միջազգային օրը նշվել է նաև Տավուշի մարզում: Բերդի Պատմության և կենցաղի թանգարանը ևս մարդաշատ է եղել: Արհեստագործական ուսումնարանի, հանրակրթական դպրոցների աշակերտներ, ժամկետային զինծառայողներ, այցելուներ հնարավորություն են ունեցել ծանոթանալու ՊՄՊ Տավուշի մարզային ծառայության ու թանգարանի ջանքերով թարմացված ցուցադրությանը:
Առաջին անգամ այցելուների դատին են ներկայացվել տեղացի երիտասարդ նկարիչներ Գևորգ Անանյանի (ջրանկար), Հասմիկ Աբգարյանի (գեղանկար-գոբելեն), Արտուշ Հարությունյանի (լուսանկարներ), Միշա Հովհաննիսյանի (գծանկար), Արմինե Արզումանյանի (գեղանկար) հայրենի հուշարձաններին և հիասքանչ բնությանը վերաբերող աշխատանքներ:
Թանգարանի մշտական և ժամանակավոր ցուցադրությունների մասին այցելուներին պատմել է նաև ՊՄՊ Տավուշի մարզային ծառայության պետի տեղակալ Ռաֆիկ Մուրադյանը:
