«ՄԻԱՍՆԱԿԱՆ ՀԱՅՐԵՆԻՔ» ՀԿ ՑԱՎԱԿՑՈՒՄ Է ԸՆՏԱՆԻՔԻ ԱՆԴԱՄՆԵՐԻՆ, ՀԱՐԱԶԱՏՆԵՐԻՆ ԵՎ ԶԻՆԱԿԻՑ ԸՆԿԵՐՆԵՐԻՆ

«ՄԻԱՍՆԱԿԱՆ ՀԱՅՐԵՆԻՔ» ՀԿ ՑԱՎԱԿՑՈՒՄ Է ԸՆՏԱՆԻՔԻ ԱՆԴԱՄՆԵՐԻՆ, ՀԱՐԱԶԱՏՆԵՐԻՆ ԵՎ ԶԻՆԱԿԻՑ ԸՆԿԵՐՆԵՐԻՆ

2015-09-02T14:45:19+00:00 01/09/2015|Լրահոս|

«Միասնական հայրենիք» ՀԿ իր խորին ցավակցությունն է հայտնում պետական նշանավոր պետական և ռազմական գործիչ, ՀՀ զինված ուժերի կայացման առաջամարտիկ, գեներալ-գնդապետ Գուրգեն Դալիբալթայանի մահվան կապակցությամբ:

Գուրգեն Դալիբալթայանը անգնահատելի ավանդ է ունեցել հայկական երկու հանրապետությունների կայացման և հայոց բանակի կազմավորման ու հզորացման գործում`անջնջելի հետք թողնելով հայ ժողովրդի նորագույն պատմության փառահեղ էջերում:

Պատահական չէ, որ Գուրգեն Դալիբալթայանը Հայաստանի համար բախտորոշ ժամանակաշրջանում եկավ հայրենիք ու զինվորագրվեց ազգային բանակի կազմավորման բարդ և պատասխանատու գործին:

Հատկապես ուզում ենք նշել գեներալ-գնդապետի անուրանալի դերը Շուշիի ազատագրման ռազմական գործողությունների ընթացքում` գլխավորելով հրամանատարական կարևոր կետերից մեկը: Նրան բնորոշ էր ռազմական ու հայրենասիրական անխոնջ ոգին, որը վարակիչ դառնալով նաև իր զինվորներիի համար, նպաստեց Շուշիի ազատագրմանը:
Նրա զինվորական վաստակի գնահատականն են այն բազմաթիվ պետական և գերատեսչական պարգևները, որոնց արժանացել է գեներալ-գնդապետ Գուրգեն Դալիբալթայանը:

Գեներալ-գնդապետ Գուրգեն Դալիբալթայանը իր զինակից ընկերների և առհասարակ ճանաչողների հիշողության մեջ կմնա որպես նվիրյալ զինվոր, ում համար նահանջի ճանապարհ ուղղակի չկար, համեստ մարդ ու պարզապես ազնիվ քաղաքացի, ով կյանքն ապրեց հայրենիքին ծառայելու անձնվեր առաքելությամբ:

«Միասնական հայրենիք» ՀԿ նախագահ`Վլադիմիր Դավթյան